Sud sa 21 ka tuig ang Celestial Meadows Developers Corporation (CMDC) nagserbisyo sa mga Sugbuanon sa lima niini ka mga pribadong menteryo kun memorial garden.
Walay negosyo nga modugay og duha ka dekada kung mapakyas kini sa paghatag og maayong mga serbisyo. Nagsugod ang CMDC sa Celestial Meadows – Minglanilla, diin ang tuyo ug tumong lamang mao ang paserbisyo sa mga taga Minglanilla. Apan tungod sa maayong pagdawat sa mga taga Minglanilla napugos og pagpalapad ang CMDC sa iyang serbisyo. Naabot ang Celestial Meadows sa Naga City (Legacy Plains – Naga), Toledo City (Legacy Plains Toledo), Moalboal (Divine Mercy Moalboal) ug Compostela (Celestial Meadows – Compostela). Sud lamang sa 21 ka tuig naabot na sa Celestial Meadows ang lima ka mga dagkong lungsod sa Sugbo, sobra pa sa nauna niining plano. Nganong ana ka paspas? Kay ang mga Sugbuanon nalipay sa pag-amuma sa Celestial Meadows hilabi na sa panahon sa ilang kasubo.
Ang Celestial Meadows negosyo apan ang uyok sa maong negosyo ang pag-amuma sa mga Sugbuanon, kliyente man o dili. Ang mga memorial garden sa Celestial Meadows gituyo og himo nga lahi sa mga ordinaryong menteryo. Buot sa Celestial Meadows nga ang mga mosud sa memorial garden nga mogaan ang gibating kahuot sa dughan. Samtang maglakaw ilawon sa kakahoyan, maglingkod atubangan sa sapa o mag-atubang sa nitso sa ilang mahal sa kinabuhi, laraw sa Celestial Meadows nga ang nindot ug sagrado nga palibot makahupay sa kasakit sa mga nagsubo.
Ang mga nindot nga disenyo sa memorial garden sa Celestial Meadows gihimo dili lang para sa mga mitaliwan na, para usab kini sa mga pamilya nga mobisita nila. Gituyo usab nga lapad ang mga parke para makaduwa ang mga bata, makalingkod sa daplin ang mga ginikanan samtang maghandum sa ilang mga mahal sa kinabuhi nga mitaliwan na.
Ang serbisyo sa Celestial Meadows giplano ug gihulma alang sa mga panginahanglanon sa mga Sugbuanon, isip pag-amuma. Mao na kini ang Celstial Meadows sa una pa, ug magpabilin kini hangtud nga aduna pay manginahanglan sa klase iyang pag-amuma.
